KENANGAN DENG DIA

Hanya tinggal kenangan,deng hanya tinggal sejarah, beta seng bisa lia Ose lai… Ose seng bisa lia beta lai… Ose su pigi jau… jau… jau paskali. tinggal sejarah sondak deng se, tingggal sejarah kajadiang deng se, tinggal sejarah taong baru deng se. tapi bukan itu saja… beta rela mati ganti se asal jang orang bakar Ose,karena Ose su jadi beta pung pembakar semangat dalam medan tempur salamat jalan pelindungku. Sakarang su ada yang baru yang akan menciptakan kenangan baru deng sejarah baru deng beta, dia yang sakarang su paleng beta sayang. dia yang sakarang su paleng beta cinta. Biar beta seng pi manginte kacang di salolo, biar beta seng pi panira dadeso di wairiang, biar beta seng pi tipar mayang di amantawari asal for se tamange… beta pung suet ni seng for beta pung keluarga lai… ASAL FOR BANGONG ALE JUA.… tamange…waktu orang datang di rumah Biar Beta Makang Papeda Deng Aer Garam, Biar Minong Te Pagi Deng Aer Puti, deng biar isi tangan di sak Cuma saribu rupiah… tapi… beta sumbang akang for Ose tamang e. biar beta ni ARU-U,……. biar beta su BONGKO,.. biar beta su TUA tapi beta salalo bantu Ose. Sakarang Ose su mau jadi. beta seng tau ada orang yang sayang Ose sama beta ka seng, beta seng tau ada orang yang korbankan dong pung nyawa for Ose ka seng, beta seng tau ada orang yang korbankan dong pung harta for Ose ka seng, tapi for beta Ose segala-galanya karena satu saat Ose akan jadi beta pung tempat membentuk spiritualitas. Jang taku tamange biar orang laeng seng lia Ose tapi beta salalo ada for Ose mari betlehemku badiri kuat deng beta pung karingat mari Betlehemku badiri kuat deng beta pung aer mata.

Tidak ada komentar:

Kemegahan Terakhir